$64的豐富家常餐

早起的鳥兒有肉食，朝早起身去街市買菜，鮑魚$38一份+ 通菜$6一扎+ 盲鰽$20一條= $64，呢餐家常便飯真抵食。

首整法包

買左包台灣出產的水手牌法包粉，做出來的包不成功，惟有焗成蒜蓉多士配咖哩薯仔雞翼。

起筷啦

是夜有洋葱炒麻辣雞扒蝦球，腐乳炒通菜，蕃茄薯仔魚湯，起筷~

波點卷蛋

我對波點有情意結，這天在家無所事事玩彩繪卷蛋，這次又玩新鮮新奇配搭: 粗粒花生醬配芒果肉，炒不可言!

 

 

濃淡相宜

淡淡的清湯蘿蔔腩，濃濃的韮菜水餃~

柴魚蠔C粥

飲宴後帶回兩個豬頭回家，用近咀的部份煲左柴魚蠔C粥，近頸有肉的留來炆節瓜，突然間好似肥媽上身咁物盡其用添  但我一定唔會用雞翼煲湯咁可怕

豬頭肉炆節瓜冬菇+豉油雞

豬頭肉炆節瓜冬菇+豉油雞

胡椒花甲+蜆煲

見街市D花甲同蜆都好靚又平，一於整個混合煲，用我愛既白胡椒粒，食完個胃暖暖的，很正!