廣州美食行~ 2

我的5姨是很識食的人，她提議去順德尋美食，我們一行9大1小的出發去，從廣州五羊城揸車去大約45分鐘就到順德，中午先到一間私房菜......

順德亦有較平實的地方

晚上到一間很辟靜的地區內一小店晚飯，由於房間已訂滿，我們只好早點去坐大廳，中午實在食得太豐富，6時多就來吃晚餐，一丁點餓的感覺也沒有~!

廣州美食行~ 1

趁聖誕節假期去了廣州跟我的亞姨和表妹美食聚，大家都是愛吃之人，所以每天都吃得飽飽的，4日3夜之旅的豬生活呵!

下午4時多才到達廣州，到酒店取房後再到6姨家已是黃昏食晚餐的時候了，她和姨丈都推介我去試黃鱔飯，老實說那煲飯煮得很香，只是我不太愛吃黃鱔

亞姨們都愛吃粥水打邊爐，我在香港食過一次，跟廣州的對比，完全不是那回事，單是魚的鮮、滑、甜已經贏出九條街了~

泮溪酒家 ~ 環境一流，食物普通

無懼H7N9，清心雞內狂食雞，真的非常有雞味，肉彈皮香

久違了的香蕉蛋糕

家裡有三根熟透的香蕉，別無他選就是用來整香蕉蛋糕，明天早餐有著落了。

蒜蒸九肚魚

在街市買了5條九肚魚，筷子咁長，肥嘟嘟的，魚檔老闆教路，用油鹽水加蒜粒冬菜去蒸會好惹味。 我就多手加埋粉絲墊底去索汁，粉絲用了鰹魚粉開水去浸軟，加了炸過的蒜粒，好味呢!

反轉個廚檯都找不到冬菜，加埋唔知好唔好食呢??

超市的急凍倉魚 :X

某天PK的急凍倉魚特價，平時見咁多人買，我都唔執輸買條放冰格看下門口。這天用了韓式麵豉醬醃了大概十分鐘就拿去煎，先將兩面煎香再加3湯匙水去炆，由於麵豉醬較濃味，可以完全遮掩急凍魚的雪味。

這種急凍魚無魚味，肉又唔厚，下次不會再買了! 反而另一包在阿信屋買的泰式魚餅，比較好食! 用焗爐/放飯面加熱即可食，要讚!

懷念魚的味道

去了旅行多日一直都無嗜魚(刺身魚除外) ，回家後就即買來補償。

買了一舊鯇魚，放在雪櫃一晚了，要加點濃味的醬料去同蒸，可辟魚腥外，會更好下飯，今次用了韓式的麵豉醬(大大盒在阿信屋買，才10幾蚊一盒)，加埋D豆卜墊底，大大碟。

另一款魚是鹽燒三文魚頭，本想放入airfryer 內烤焦的，但懶得洗，改用易潔鑊煎就算。

唔想食飯

當唔想食飯的日子，最好就是煮煲咖哩，並以餐包代飯

一樣的美味

很久沒吃田雞了，本想用來煮煲仔飯，但很想煎蘿蔔糕食，於是改為煲粥。 粥是用Staub煲，半小時就搞掂，比想象中快，亦是一樣的美味~

青花碟

去大阪前已鎖定到Rinku Premium Outlet買LC 長碟和花花碟，當天清晨6時已完成過關手續，而去outlet 的shuttle bus 要9:40才開出第一班，我們先將行李寄存在機場locker 內

我們的大喼剛好放入去

9

放低行李後，我們在長椅上瞓左一陣，到9:30才扎醒去搭第一班shuttle bus. 

落車入outlet 即見到LC shop,  即入去睇stoneware, 想買心心焗盤，但太重了即放棄了！

兩件心水stoneware

流心蛋

在大阪旅遊時，吃拉麵總有流心蛋伴隨，有用幼鹽調味的，有已浸入鹵水汁調好味的，每款也令我一試難忘，我要試做好它！

生炒糯米飯

天氣冷了，無去街市買肉類，於是想起了糯米飯。 在雜貨店買了一斤糯米，只拿了2/3去浸3小時就可以煮。

配料：

臘腸1條，潤腸半條，臘肉一小塊，蝦乾6條，冬菇2隻，小粒元貝約一湯匙。

起鑊爆香有油份的臘味，加1茶匙紹酒再爆香，後再加入餘下的配料，盛起備用。

用臘肉起出來的肥肉起鑊，將已浸了3小時的糯米泌去水份落鑊，加入約2湯匙碗史雲生雞湯，及已浸軟的元貝慢慢兜勻，合上蓋約2分鐘，開蓋再逐少加入雞湯再炒，加入配料後，再不斷炒至糯米變成透明即可。

剩瓜

整咖哩雞剩下來的南瓜蓉，第一波用來煮南瓜粥，清清淡淡的.....

本想加少少粟米粒，但想到一盒粟米開了只用少少，剩下的又要想想如何處理，就即時打消念頭了。

南瓜咖哩雞

某次跟餅友到泰菜館聚會，吃到一個用南瓜盛著咖哩雞，一直想回家試整呢個餸。

那個南瓜開蓋後放入高速煲蒸，隨便一按就是12分鐘，南瓜都淋晒了! 拿出來時熱辣辣的，輕易的皮就甩了一小塊，本來拿來裝南瓜的碗口太小，南瓜變形又裂開了口 (OMG~)

食晒D咖哩雞後，南瓜蓉再加上咖哩汁，又香又甜實在太好味了! 但要再整呢個菜式，就真係要諗諗，因為首要買個大南瓜才好裝住D咖哩雞，起了出來的南瓜蓉(有兩個飯碗咁多)要想辦法消滅，暫時打算整麵包，還有一碗南瓜蓉不知如何處理。

兩口子的家庭，一大個南瓜真係唔易吃掉!

未搬家前，曾經經常到超市買菜，總是買特價的西蘭花和娃娃菜，食到很厭了，這天下雨無去街市改去超市買青菜，又見到西蘭花特價，竟然像鬼迷般買了兩棵。在冰格摷了幾隻蝦同帶子同炒就算了。

發神經的蘿蔔糕

經過菜檔見到大大條的蘿蔔，即時又有做蘿蔔糕的念頭，回家馬上浸冬菇(有人說加了冬菇易發霉，我卻不認同)，在雪櫃摷幾樣臘味，切切切..... 我喜歡手切蘿蔔糕的口感，所以抽了其中1/3條來手切，其他的是刨絲。

一直都無買中式用的糕盤，就拿西式的6"蛋糕盤充當吧

我用娥姐煲蒸35分鐘，唔使睇火，唔怕乾水，好正! 翌日早餐，急不及待煎來食，加上XO醬，實在太妙了!

我的蘿蔔糕食譜 (按原著再作修改) http://janicews.blogspot.hk/2013/09/blog-post_14.html

原著蘿蔔糕食譜

http://www.baby-kingdom.com/forum.php?mod=viewthread&tid=3665340

周六午餐

早前買了臘鴨脾，今天要試試味

臘鴨脾去皮，用來起鑊，再加入蒜蓉去炒的菜苗，非常香好好食。

我還是未掌握好煎魚的技巧

茄子炆釀豆卜

只是到星期二，還有多天才到星期五................

昨晚外出食雞煲，大魚大肉的飽到唔識行，今夜收工回家要清清地，從我個大寶藏雪櫃摷返兩條茄子，加埋D之前釀好既豆卜(已煎至金黃色，放雪櫃可保存耐一點)，電飯煲蒸碟水蛋，簡簡單單的晚餐就完成。

煮緊茄子時，我無無聊聊的將蔥用廚剪斜角剪，上碟後比普通的切法來得更有型更靚~

外食雞煲

本來昨晚已打算食雞煲，但兩人都無食力，所以留待今晚才發力

我們已去過一次這間叫「至尊」的食雞煲，味道不錯，味精也算少了，平日收$148任包，真係幾抵食

打邊爐有的生料、韓國飲品、公仔麵都可以隨便拎

熟的食物選擇也不少，精緻的甜品只可以挑一款，都已經好飽，其實比一大碗我都食唔落

涼瓜炆鴨+ 鮮魚片蒸豆腐

上周五happy Friday night 同同事去了食大閘蟹，叫了片皮鴨一食，個鴨殼就跟左我回家。 我將它支解為:

• 帶點肉的骨去炆涼瓜
• 啖啖肉留來煮雪菜肉絲米粉
• 骨頭的則留來餚湯煮米粉

這晚的晚餐很有打釜頭之嫌，買左兩條涼瓜去炆，另一碟係豆腐蒸鮮魚片，平霸呀!

豆腐蒸鮮魚片絕對係收工之後快捷的菜式

• 鯇魚片從街市買回來後洗淨切雙飛
• 加入鹽、胡椒、微量豉油、麻油調味，再加入薑絲存於雪櫃備用
• 盒裝豆腐切件，厚薄隨心
• 搽上少量麵豉醬在豆腐面
• 再舖上魚片
• 待電飯煲內的水滾起時放入去蒸
• 或加上微波爐保鮮紙，用1000W叮3分鐘
• 加蔥花
• 加幾滴豉油同麻油即可以食得

Sat late lunch

星期六唔想出街食，又在大寶藏摷包青口、漢寶牛出來.........有包有青口，再加個湯更perfect

係時候要清理下買左好耐既白酒，加上洋蔥去煮，

原來都係白水煮，食盡青口既海水味更吸引~

拆蟹

收工後跟同事去拆蟹，其實我對蟹膏興趣一般般，諗住一班人去開心飯聚，就同行了

8個人叫了半圍套餐再加了4隻蟹，埋單$2500，算抵食啦

韓式燒烤醬豬仔骨

自家製的叉燒已整過，金沙骨也做了，渴望試試豬仔骨。 原來不是很多地方有豬仔骨賣，Fusion 賣的$56.X只得500g重，除去骨只剩幾兩肉罷! 無意中發現吉之島有得賣，$5.5/100g，對比Fusion 足足平一半。 於是從吉之島買左兩pack，趁特賣日會員有九折，絕對是煮婦打釜頭的時機。

焗緊豬仔骨時可以準備飯同菜，是夜選了黃紅甜椒配日式咖喱汁，兩者都是帶點點甜，味道很匹配的。為了賣相好，冷飯可以用碗倒吸出來，冷飯當堂升呢，誰知道我們在吃冷飯呢!?

韓式燒烤醬豬仔骨材料:
急凍豬仔骨約920g
韓式燒烤醬 (購自759) 2湯匙
韓式麵豉醬 1湯匙
醬油麴2湯匙
鹽麴2湯匙
糖1茶匙
麻油少量
胡椒粉少許
玫瑰露1茶匙
紹酒1湯匙

用架盛起，以250度焗40分鐘 (自己睇火)