初試自制臘肉

見臘肉賣得愈來愈貴，就試下自制，唔難唔多功夫，起初怕小强lam 臘肉，後來都豁出去，時運高睇唔到。 這條試版臘肉已吹北風一星期，就快收成。

做法參考自http://jen12399.blogspot.hk/2011/12/blog-post_29.html?m=1

超市特價貨煲湯

收工食完晚飯去超市行去，見到有好多特價貨，買來.....
一包粟米
一包蘋果3個
一包雪梨5個 (只用了2個)
一條小紅蘿蔔

以上材料再加上蜜棗、海底椰乾，一煲簡單又清潤的湯就成事。

住家版鰻魚飯

自從在名古屋食過蓮萊軒的鰻魚飯後，一直都念念不忘! 在香港要食到好味的鰻魚飯很難，鰻魚都是無魚味的，在超市買來兩包即食的鰻魚，自己煮左個汁撈飯，加碟炒菜又，正式的住家飯就ready

白汁意粉

晚上外食太多，了無新意，在家簡單的煮個意粉也比外食好!

意粉出水後，用水喉不斷沖水過冷河，沖去附在意粉的麵粉，令意粉不會糊口。

在冰格摷到雜菜、火腿，用罐頭磨菇汁，簡單易做又快，最緊要係快，就可填飽個肚。

自家種芽菜

樓下街市只有一個菜檔，沒有價錢牌，見人就開海鮮價，最令我氣憤是$12一斤的芽菜，楊屋道才$8一斤，足足貴了50%。有次去買$3，店主有點黑面，在秤芽菜時，一而再再二三的將兩三條芽菜抽出，我就是不相信3條芽菜咁有份量，咁重秤!?

這天我首次嘗試去自家種植，方法都是非常非常簡單，將綠豆浸一晚，待出了少許芽就可以倒去水份，用一個高的闊身盒裝住綠豆，加微量的水，用個環保袋包住佢，令佢入唔到光 (光線會令芽菜變苦)，早晚用水沖一沖芽菜，將水份倒去，第4天就有收成。

用來炒什錦米粉，加配粥又是一餐。

芋蝦

某年某人請我吃了一舊小小我芋蝦，一直念念不忘，很想學識去自已整。 拖拉多年今年終於下了決心做了兩次，第一次不成形，不是圓滾滾的，很氣餒！ 不服輸再來第二次才成功了