自家制的waffle+士多啤梨果醬

在超市見到美國出產的士多啤梨，比佢又紅又大粒的美色所騙，原來好酸的~ 某天晚上好辛苦才食左4粒小的，不忍心將它進貢比垃圾筒，想起了.... 就用來煮成醬吧! 已經是晚上十時，將幾粒士多啤梨用了25分鐘才勉強成醬，可以再煮耐點就更好，但真的不想再企在廚房了。

翌日用來配上自家制的waffle作早餐，我發現原來我唔鍾意一早就吃甜食的，突然非常懷念沙爹牛麵......其實果醬都落好多糖，一D都唔健康架

日本買V 仔摸

2月下旬去東京時，在飛機上派左張bic camera 8折coupon，滿心歡喜去買V仔模，店員話要買夠1萬yen 才可以用coupon, 唓。。。張券底底面面都無寫使用條款！ 既然個模店員都拿了出來，又比HK 買平了HKD21, 行李又放得落，咁就買左。

初試De Buyer

已開光的Be Buyer在廚房呆呆的坐了一晚，急不及待拿出來炒個小菜 ~ 韮菜花炒蜆肉

由於不是爆炒，暫未滿足我的要求~!

家鄉煎藕餅

材料

蓮藕約一斤

蝦米一湯匙

臘腸半條

蔥花少量

已調味鯪魚肉一包 (購自超市)

做法

1. 蓮藕刨粗絲

2. 加入1/4茶匙鹽及雞粉在蓮藕絲內作調味

3. 臘腸+蝦米+蔥全切碎

4. 加入鯪魚肉後拌勻

5. 用不鏽鋼匙將料放在易潔鑊內煎至兩面金黃即成

栗子蛋糕

沒有買禮物送大老爺，就整個佢愛的栗子蛋糕

材料
蛋4隻
糖 50g
奶 50g
油 40g
低筋麵粉 50g
雲厘拿油 1茶匙

做法
1.將油加熱至出紋熄火，加入已篩的低粉

2. 蛋白及糖打發至濕性發泡

3. 蛋黃打至奶白色及厚身，加入奶及(1) 拌勻

4. 蛋白分3次加入及拌勻

5. 以水浴法180度焗28分鐘，倒去水份後再焗4分鐘，用竹簽篤入測試蛋糕是否已熟透

要少油又有鑊氣。。。。

婚後一直都用易潔鑊，雖然有塗層易打柴，使用時盡量唔用大火，唔即係落凍水洗，用silicon 鑊剷，買質量好的牌子。 隨住煮飯齡高左，都追求好鑊氣的菜式，但偏偏這些都會用大量油去爆炒，針無兩頂利！ 去年大熱de buyer 令一眾煮婦愛不釋手，某天在blogger 處發現它的好和美，趁聯品有復活節優惠，入手24cm 鐵塔款。

從網上看過不同的開鑊法，我將佢地集成自家的一套

用大滾水浸5分鐘，那習保護用的臘層慢慢甩出來

再用鋼絲刷大力刷去臘層，特別是轉彎邊位
毛巾抹乾水後，用中火將鑊加熱再加油至起白煙，熄火待涼後再重覆加熱加酒去養鑊。

網上很多人用3燒3潤去開鑊，我的第3次就用土砲方式： 肥豬肉去炒鑊，隻鑊傳熱好勁，舊肥豬肉一放落去，吱吱聲就即出油，大概1分鐘就熄火，用油揸勻鑊令一處，倒去油分，再去廚紙抹走多餘的油份，放窗邊風乾一晚。

當鑊愈用得耐就會變黑色成不黏的鑊，慢慢等待這天的到來！

發財魚肉釀小棠菜

今晚試新菜~~ 發財鯪魚肉釀小棠菜，莖部用來釀肉，葉用來煮菜飯，點剪都唔怕浪費

 

小棠菜菜頭部份切除葉後剩約5CM

再用廚剪修剪一下

魚肉內加入髮菜+臘腸+蝦米+蔥花，以少許胡椒粉拌勻，隔水蒸8分鐘

小棠菜葉用來煮菜飯，加入臘腸會加惹味可口。

蔥花餐肉玉子燒

普普的日本玉子燒未必岩下飯，咯加修改就變成不一樣了

1. 餐肉切粒，用白鑊稍煎至金黃

2. 加入蛋漿+蔥花

配菜飯也不錯吧!

簡單飯團

家中有兩樽三文魚碎，一是從日本買的，另一樽是在「樓上」買來的，就快到期要盡快消滅佢地，於是去759買左包韓國紫菜碎整飯團。

一杯珍珠米用電飯煲壽司mode 煮好，加三文魚碎再加紫菜碎拌勻，放入花型飯團摸再倒出，簡單到不得了~

隔了夜的杏汁豬肺湯更香濃更好飲，

配三文魚飯團，配搭贏晒

😁😁😁

小椰菜炒鮮雞腎

在街市途經雞檔，見到有一碟鮮雞腎才$10，是家中大老爺的最愛，即時買下來。

午餐來個中西食材MIX，用小椰菜+蕃茄炒雞腎

杏汁豬肺湯

好多次在太興食晚飯飲杏汁豬肺湯，一碗實在太少，令我這個不好湯水的人也為之動心，回味無窮。 今天不知何解終於拿出勇氣去挑戰這款花功夫的湯水.....


首先我去楊屋道市政街市，因為是樓上舖，人流相對會比街舖少一點，肯代勞洗豬肺的機會大一些，也問了四間肉檔才有呢間肯收$30代洗豬肺

啤了水的豬肺重到不得了，我要搭的士回家

1. 自己也啤水洗了幾次才安心

2. 再用白鑊煎乾水

3. 反復煎左6次，豬肺仍然出水

4. 豬肺出水終於少了

5. 花了很長時間，終於都將豬肺煎乾水了

6. 湯內還有: 元肉+金華火腿+蓮子+果皮+$20瘦肉，用鵝姐煲了25分鐘，加入南北杏汁(兩碗份量)再煲多十分鐘。

7. 由於元肉及蓮子(有皮)令湯變成淺啡色，就算加了杏汁也蓋不住，跟街賣的不一樣，但杏味非常濃郁，雖然功夫多，但要食好味道的東西，是不能懶的!

韓式泡菜牛肉飯

雪櫃有一罐又圓又大樽的泡菜很阻地方，一直想消滅佢，之前整過泡菜煎餅，今次試下整煲仔飯。

就連泡菜内的水都唔好浪費

Tips

肥牛要沖水 (個人覺得沖去血水後，食落會清爽D) 後用廚紙吸乾水，加少量燒肉汁醃15分鐘，牛肉就有味道了。

是夜仲有AF 炸雞翼 + 蒜蓉炒菜心

整個晚餐亮點係沾了肉味及泡菜又酸又辣的飯焦