愛煮愛吃的婦人,記下曾煮過的東東,為食物留下一個美麗回憶~
2014年12月26日星期五
家鄉煎藕餅
又是趁放假去街市走一轉,見到蓮藕很靚,買了一節,原來就半斤了,回家後即時想起煎藕餅
材料
蓮藕半斤
鯪魚肉225g (超市賣的盒裝)
臘腸半條
蝦米2湯匙
芫茜2棵
葱2棵
魚肉帶點黏性將藕絲和其他材料緊緊的黐埋一齊
2014年12月14日星期日
可以放心飲的魚湯
近日愛上飲魚湯,比豬骨清淡又易入口。 好多人都用魚袋,我一直都覺得好肉酸,唔會買來用。
我做魚湯功夫有點多,但可以放心飲。
這天為了去街市買芫茜整雞煲,見到$20一份魚仔,唔買真係對唔住自已,魚檔唔包劏魚,咁我自已劏咯!
先將魚煎香再加大滾水,加左3舊西施骨去增加甜味,用高速煲煲18分鐘,打開蓋再滾10分鐘,用不鏽鋼篩隔去魚渣
無骨魚湯
加入薯仔同蕃茄,去皮好重要,煲溶左無渣(皮) 會更好飲
清甜又無骨的蕃茄薯仔湯可以放心齋飲,加落通粉/烏冬/粉絲都好好食又有營養。
2014年12月13日星期六
生炒糯米飯~ 日式版
早前去東京,錯誤地買了包糯米,誤當成米麴 (無知得可笑!) 近日天氣冷了,絕對適宜食糯米飯。 跟平常在雜貨店買到的糯米有很大分別。日版糯米咬下去很爽很彈牙,QQ的很好食。
同樣地先用清水浸3小時才炒,配料都是冬菇,蝦米,臘腸,膶腸,臘肉(終於都清左雪櫃內的舊貨)
先爆香配料,將糯米落易潔鑊最好炒,先加入3湯匙雞湯,冚蓋煮2分鐘,開蓋加入配料拌勻,再逐少加入雞湯不斷炒,加入老抽及豉油各2茶匙,續炒至糯米由奶白變成透明就完成。
淨食糯米飯有點乾,加罐日式粟米湯,呢個組真係無得輸!
2014年12月9日星期二
分享如何令蛋糕綿細.......
做了蛋糕多年,從零開始,慢慢的學習,我相信沒人會一下子就成功,得出結論是:
1. 蛋白要耐心打,打了約2分鐘後,很易出紋,就要小心細看,就是一下子,蛋白就會變成企身,就要即停機。
2. 蛋黃加奶加糖後要打至乳白變得厚身,做出來的蛋糕才會綿細,又滑又香。
3. 加入油份時,沿邊落否則影響麵糊的澎漲力,我是待蛋黃打好後即加入油打的,這樣可以比拌入更均勻。
4. 拌好的麵糊要即入焗爐,放耐了消泡了,影響蛋糕的升發。
2014年12月2日星期二
黑糖芝麻包
白髮愈來愈多,要食D黑芝麻補補佢......
材料:
高粉250G
黑糖粉47G (下次可減少10G)
黑芝麻粉15G
奶粉9G
酵母3G
蛋一隻
冰水125G
用軟包mode,提早7分鐘出爐
較新的文章
較舊的文章
首頁
訂閱:
文章 (Atom)