氣炸杏鮑菇

無肉的日子來個氣炸杏鮑菇，切薄片，撈生粉，噴少油，185度8分鐘，200度2分鐘，加點椒鹽提升美味

煎魚練習 2

魚檔老闆話呢D叫黃魚，多幼骨，魚皮油脂豐富，所以煎香左非常香口，這次的煎魚仍有進步空間，還是要繼續多練習😁

AF 炸蟹鉗

從少我就喜歡食炸蟹鉗，但要去飲宴先有得食😌 從來無諗過自已做，但今晚請客，做左AF蟹鉗，大中小size, 釀入芝士的樣樣都有，很滿足😍

蝦肉洗淨後用鹽和麻油調味，老式師傅教落麻油令蝦肉更易起膠，這次是用急凍泰國虎蝦肉(去殼)，購自吉之島超市特價$69一盒，而那個道具蟹鉗在青林凍肉買$60一盒，大概可做3次，這個菜式說穿了就是蝦餅的變奏，功夫較少，又不用買道具😅 AF 185度6分鐘，200度3分鐘。

後記:

蝦膠加入少量麵包糠及濕手更易造型

全程用185度減少芝士爆開

AF 茄子

收工時在街市無意中見到青茄子，買了兩條來試試。 青茄子皮較薄，但味道較淡味，還是紫色的出色D。

醬汁

蒜蓉，孜然粉， 辣椒粉，少量豉油，麻油， 味琳，糖

AF 吉列豬扒

很久無去楊屋道街市，這天去凍肉舖入番D 存倉之選，看到有單件獨立包裝的法式豬扒，$14一塊，價錢唔貴，一於買兩塊試下。


簡單的用了鹽+胡椒粉+麻油+生抽去調味，沒有用刀背拍鬆。 經驗話我知，要用麵粉+蛋漿+麵包糠整好外層，才用airfryer 185度8分鐘+200度3分鐘，賣相跟口感都非常好，這豬扒肉滑有豬味，不錯！

黑洞之大無法估計

社會運動連樓下百佳全線休息，黑洞有幾條茄子，加罐購自759 的台灣產辣肉醬(根本無辣味)煮成，好好下飯~

慶幸在星期五晚收工後即衝去街市，檔主也要收工大平賣，我就掃了很多平10蚊3份的好物，極速掃左西蘭花+蕃茄+涼瓜，仲有8蚊兩入既節瓜同茄子，這些都夠食2-3天了。動盪時候，留在家比率安心又安全。

煎魚

煎魚技術仍然未合格，難得出去街市，買左幾款咸水魚存倉，這晚來條紅衫。 耐性，耐性，耐性就係技巧，抹乾魚身是必需， 兩樣都做妥，事半功倍，成功在望。

煎魚練習

要考下自已耐性，身痕拎隻de buyer鐵鑊去煎魚，要脫要香真係唔好慳，要落多少少油，下次改用易潔鑊再練習

照騙意大利飯

又一個清理黑洞/無限擴大之作，材料有：759 意大利飯懶人包一袋，從黑洞摷到既配料有： 洋葱，紅蘿蔔，啡菇，甜豆，前一晚剩下的豬扒，全部切碎，炒炒炒就得左，港式燴意大利飯就完成，擺靚D影相為證，照騙一下😅😋 

翡翠玉環

曾經豆角要24蚊一斤後，我無再買，唔係貴係我唔覺得好食，今天經過街市$6蚊一扎白豆角，堅平即買，來個簡單易AF版翡翠玉環， 慳左用鑊煎既功夫，不錯~

先焯軟豆角，再繞一個花環出來

將魚肉釀在豆角上面

這次偷懶放入AF 去烤熟，連汁也懶煮了

麻醬青瓜海蜇雞絲

夏天最愛這款涼拌

甜酸青瓜

迎接夏天，開胃小食要出動，先來個醒胃甜酸青瓜，青瓜一條去瓤去皮，用粗鹽醃半小時後沖去鹽份，晾乾水備用。 米醋：糖 是2:1 ,將糖煮溶後放涼，加入青瓜醃半天已入味。

AF 公魚

去到超市因豬瘟無豬肉賣，咁又少個選擇，無意中見到有急凍公魚，就買包來試下用airfyer 整成脆趣。

公魚只得1/3隻手指尾咁幼，本來整條拿去AF,但總係過唔到心理關口食埋d魚腸/膽既污物，於是劏魚考驗了我的耐性考腳骨力足足一粒鐘。

AF谷友話用蕃薯粉會脆，於是我用生粉+蕃薯粉，比例係3:1, 再加椒鹽粉+白胡椒粉+鹽+約1/2茶匙油將魚拌勻，200度12分鐘，成品堅脆，如果再加少量蛋白+水+芝麻，魚跟芝麻緊緊結合不分離仲更香口。

南乳雞翼+鎚

超市有包加拿大出的急凍雞鎚+翼，嘩。。。。正啦，滿足到我貪心~

調味
南乳
糖
豉油
麻油
紹酒

Airfryer 180度8分鐘，再轉200度3分鐘

椒鹽肉

難捱的4月終於過去🎉  整個邪惡的椒鹽肉慶祝下，餓底翻生可以再出動😋

肉用豉油+糖+麻油+胡椒粉先調味，椒鹽部份有：

蒜蓉約1湯匙

椒鹽粉1茶匙

紅椒2隻切絲

葱切粒

紅葱頭切碎

將紅葱頭+蒜蓉先爆香，再落紅椒絲和葱粒爆炒加2茶匙紹酒後即加入椒鹽粉，落AF 好的肉塊落鑊兜匀就完成。

蕃薯餅

超市好多樣衰無論的蕃薯特價，煮婦無思考過即放在購物車，回家想： 就咁烚熟佢太單調啦😁 於是就成就左蕃薯煎餅。
參考左網上一個食譜，但粉團太乾，網上食譜真的不可盡信，要思考+執生。 這晚我用181g蕃薯蓉+糯米粉80g+砂糖18g,如果你跟我做，都唔好盡信/死跟。 用半茶匙油搽匀易潔鑊慢火煎，好易燶要認真睇火 [我今次無玩手機]

雙層豬扒包

由於下午吃了布丁燒太飽，晚上都無胃口食正餐，於是改為雜食，雪櫃剛好有醃好既豬扒，即刻搓個麵團。。。。

咖啡布丁燒

想做左好耐，終於趁放假整左好多功夫的咖啡布丁燒，嘩堅好味😍😘😋

♡食譜來自♥
https://youtu.be/z6lkIt3FbL4
中間層加左包2合1咖啡粉成為咖啡味

這個布丁燒要的材料多，脂肪和糖份亦多，雖然好味都係好耐先食一次會好D