2018年6月6日星期三
醉豬手
又是超市特價了起我條筋,一包大大包既豬手10蚊
回到家中發現香槽露得半支,即跑落街買,都搵唔到,被迫買左槽鹵同醉雞汁,兩支味道都不及香槽露!
做法
1.豬手飛水去污糟野
2.水4飯碗加鹽1湯匙,花椒八角4粒桂皮1塊,煮滾2分鐘出味後落豬手,我用高速煲煮20分鐘,普通煲中細火煮半粒鐘焗1個鐘,反覆3次應該差唔多,再唔係焗過夜
3. 隔去配料,豬手在水喉水啤水5分鐘
4.熟水沖一次 (唔怕水喉水可免去這步驟)
5. 糟露2飯碗+[加2湯匙紹酒+半湯匙玫瑰露酒就充滿酒味]+一茶匙魚露(淡口d就落半茶匙)+1湯匙糖+話梅4粒(唔落都得),拌勻後放豬手內,用密實袋就反轉袋方向數次,平放才入雪櫃,咁每舊豬手都浸到汁,隔晚食得。
這個醉豬手功夫多到想放棄,下次再見到豬手特價真係要再認真諗諗,唔好再衝動。
韮菜花炒蜆肉
第二天終於無意中在超市見到韮菜花,竟然仲要係特價,當然即買。
用蒜頭爆鑊加入韮菜花兜幾下,再加入蜆肉,再加1茶匙蠔油去提鮮,非常好,岩晒我口味。
整色整水吞拿魚包
趁假期試低溫發酵法,之前一晚將打好了的麵團,放置室溫25分鐘,再放入膠盒內放雪櫃低溫發酵。 翌日早上拿出來回溫約半小時就可以造型。
這天用了罐頭吞拿魚加點沙律醬+黑椒碎+香草,記起家裡有包在日本買回來的木魚片,加在包面上,當堂升呢
這天用了罐頭吞拿魚加點沙律醬+黑椒碎+香草,記起家裡有包在日本買回來的木魚片,加在包面上,當堂升呢
唐揚炸雞
要食炸物但又要零罪惡感就得想想辦法...........
從日本買左包炸雞粉,500G 雞肉,炸雞粉一包100G 加水100G拌勻,將切件雞肉放入去醃大約一小時就炸得。 今次我用airfryer,將油加入粉漿內,airfryer無搽油,D雞黐住個網,下次要先爆油再在雞件上爆油再試下效果。
2018年6月4日星期一
茶樹菇炆豬肉
茶樹菇很有益,除左煲湯,用來蒸雞/炆豬肉一樣好好味。
這個茶樹菇炆豬肉是昨天整的,隔了夜更入味更好下飯。 要似街整的味道,秘訣是先爆香乾葱頭及幾片薑,落豬肉及已浸軟的茶樹菇,用豉油雞汁同少量豉油,再加一小角冰糖和清水,我用鵝姐煲炆左22分鐘,開蓋滾10分鐘收返D汁就會好好入味。 (調味料份量都很隨意,自已試味)
訂閱:
文章 (Atom)