自家腸粉

一直很想試下自己動手做腸粉，原來易做難好食，腸粉唔算好難卷，但有時會在中間位置裂開，放了油又跟粉漿拌不勻，油珠浮面怪怪的。在廚房企了近兩小時，真的很累~

紫薯和紅豆做的甜點

買了大約兩斤的紫薯，切粒後蒸熟再壓成蓉，再加油加糖同炒至滑身

再搓成圓波波，左是紫薯，右是紅豆蓉

這天用兩款材料做了綠茶紅豆包+紫薯酥+糯米糍，整整一個下午企在廚房，實在太累了~

紫薯酥卷的方法有點出錯，焗出來的紋理不是我想要的旋風紋路，下次要再試做。

跟你再做朋友

很久沒開焗爐了，焗了一轉紫薯酥，再焗芝士包都係唔多上色。 從前用得密D，就掌握到上色的技巧，太耐沒用要重新去學習，唔知要幾耐才學回呢?

自家豉油雞

在超市買餸時，最頭痛買咩作午餐晚餐，大概都係一般家庭煮婦的通病吧! 呢個時候我會買隻雞，可以蒸焗炆，變化可以無限大。

當中最最易handle係豉油雞，只要將雞解凍洗淨，加塊果皮+豉油雞汁+一小角冰糖就可以煮，唔需要醃，很方便的。 百佳賣的芝麻雞煮25分鐘已全熟，放涼後可以用廚剪剪開來食。

孜然羊架

孜然粉配羊架似是最匹配，這天又是清理冰格凍肉大行動，羊架是N個月前在阿信屋特價買的，幾個星期前已吃了一半。 這次再醃肉時加埋八角粉，出來的效果更香，連我不太吃羊的人都吃了兩塊。

這次用de buyer去煎，果然又香又脆

炒米粉

夏天不吃飯，煲魚粥加碟炒米，試過台灣的新竹米粉後，我們還是愛鵝仔牌炒米多D，皆因沒有那麼乾，食落舒服D。

炎夏簡餐之魚湯什會

在樓下的蚊型街市買左D鯪魚骨淆左個魚湯底，再在雪櫃摷到魚麵/魚皮餃/嗚門卷/響鈴/豆腐/蝦乾，加幾條菜就成為非筆所能寫成的超級大什會晚餐，一人一碗，連洗碗時間都可以盡慳，仲可以清理雪櫃，太爽了吧！